Amy er fjölhæfur leikmaður sem hóf sinn feril sem framherji en hefur síðan spilað bæði á miðjunni sem og í vörn. Hún hefur undanfarin ár leikið með háskólaliðinu St.Johns Red Storm í New York og leikið þar alls 49 leiki og skorað 4 mörk fyrir liðið en áður lék hún með Westlake menntaskólanum við góðan orðstír.

St.Johns University er sami háskóli og Lára Kristín Pedersen leikur með til vors en liðið náði í sextán liða úrslit í efstu deild NCAA sem er landsmeistarkeppnin í bandaríska háskólaboltanum.  

Amy er væntanleg til landsins með vorinu og mun hún án efa styrkja hópinn verulega fyrir átök sumarsins.