Bjartur sem er uppalinn Aftureldingarmaður á 28. aldursári, stóð á milli stanganna í liði Aftureldingar á eftirminnilegan hátt 2012 og átti þá stórgott sumar. Hann hefur nú skrifað undir tveggja ára samning við félagið en hann hefur alls spilað 79 meistaraflokksleiki á ferlinum og skorað tvö mörk.

Hann tók sér frí síðustu tvö sumur og stýrði liði Hvíta Riddarans síðastliðin tvö ár. Í kjölfar samningsins við Aftureldingu mun Bjartur leggja þjálfun Hvíta Riddarans á hilluna og einbeita sér af krafti að markvörslu.