Cecilía Rán Rúnarsdóttir hefur gengið til liðs við Fylki frá Aftureldingu. Cecilía er fædd árið 2003 og er einn efnilegasti markmaður landsins. Hún lék þrettán leiki með liði Aftureldingar í Inkasso-deildinni á nýafstaðinni leiktíð og var valin efnilegasti leikmaður deildarinnar.

Cecilía Rán er markmaður U-17 ára landsliðs Íslands og hefur spilað sex leiki með liðinu. Hún mun takast á við nýja áskorun með Fylki í Pepsi-deildinni á næstu leiktíð.

Afturelding kveður Cecilíu Rán með söknuði. Um leið óskum við henni alls hins besta með nýju félagi.