Leikurinn er hluti af Styrktardegi Kára sem er haldinn til styrktar Kára Erni Hinrikssyni, 24 ára gömlum Mosfellingi sem hefur barist við krabbamein til fjölda ára.

Leikur Aftureldingar og Hvíta Riddarans hefst kl 16:00 og er frítt inn en tekið er við frjálsum framlögum frá vallargestum og verður posi á staðnum. Frábær skemmtiatriði verða í hálfleik og önnur óvænt uppátæki.

Styrktardagurinn byrjar á golfmóti á Hlíðavelli og um kvöldið verður þétt dagskrá á veitingahúsinu Hvíta Riddaranum þar sem fram koma fjöldi þekktra listamanna, haldið verður happdrætti og skemmtiatriði.

Knattspyrnudeild hvetur Mosfellinga til að taka saman höndum og taka þátt í einum eða fleirum af þessum skemmtilegu viðburðum á sumardaginn fyrsta og styðja þannig við bakið á Kára Erni !