Leikurinn er hluti af undirbúningsmóti UEFA fyrir leikmenn fædda 1998 og fer mótið fram í N-Írlandi. Íslenska liðið leikur auk Wales gegn Norður Írum og Færeyjum í móti þessu.

Kristín Þóra var í byrjunarliði Íslands í dag og lagði upp annað mark Íslands með góðri sendingu af vinstri kanti. Hún stóð sig vel í leiknum og lék í tæpan klukkutíma áður en Úlfar landsliðsþjálfari gerði þónokkrar breytingar á sínu liði i stöðunni 3-0. Úrslitin urðu 4-0 fyrir Íslandi sem leikur næst við Norður Íra á mánudag.

Knattspyrnudeild óskar Kristínu Þóru innilega til hamingju með áfangann.