Kristín Þóra hefur verið fastamaður á úrtaksæfingum U17 undanfarin misseri og kemur því ekki á óvart að hún sé valin. Kristín á að baki 7 landsleiki með U17 landsliði Íslands.

Æfingarnar fara fram innanhúss í hinum glæsilegu byggingum, Egilshöll og Kórnum þar sem aðstaða til knattspyrnuiðkunnar er til mikillar fyrirmyndar og eru undir stjórn Úlfars Hinrikssonar landsliðsþjálfara.

Til gamans má geta að Kristín Þóra er auðvitað nýkrýndur Íslandsmeistari í Futsal með félögum sínum í meistaraflokki Aftureldingar í knattspyrnu.