Meistaraflokkur kvenna mætir Fylki í næstsíðustu umferð Lengjubikarsins á Varmárvelli á laugardag kl 14:00. Stelpurnar gerðu jafntefli við Þrótt í síðustu umferð og kræktu þar í sín fyrstu stig en Fylkir er í efsta sæti B-deildarinnar með þrjá sigra í þremur leikjum. Liðin mætast í Pepsideildinni seinna í sumar og verður fróðlegt að sjá hvar þau standa í undirbúningnum fyrir Íslandsmótið.

Meistaraflokkur karla bregður sér á Framvöllinn í Safamýri á laugardag, einnig kl. 14:00 og mætir þar liðinu Mídas í 1.umferð Borgunarbikarsins. Mídas er ungt lið sem lék í 4.deildinni í fyrra og var þar í sama riðli og Hvíti Riddarinn. Afturelding ætti að hafa betur í þessari viðureign en auðvitað er ekki á vísan að róa í bikarleikjum.

Knattspyrnudeild hvetur Mosfellinga til að kíkja á völlinn á morgun laugardag og hita upp raddböndin fyrir sumarið – áfram Afturelding !