Steindór er 19 ára og hefur hampað fjölda titla í gegnum árin með yngri flokkum Breiðabliks þar sem hann er uppalinn en hann er reyndar með djúpar rætur í Mosfellsbæ. Síðast varð Steindór bikarmeistari í 2. flokki karla í fyrra með Breiðablik.

Hann hefur jafnan spilað miðju eða miðvörð og er þekktur fyrir góðan hægri fót og hefur verið iðinn við að setja mörk úr aukaspyrnum og þar að auki lagt upp fjölda marka í gegnum tíðina.

Steindór kom við sögu í 4 leikjum með Augnablik í 3. deild karla sumarið 2013 og í 4 leikjum með 1. deildar liði HK fyrri hluta síðasta sumars sem lánsmaður frá Blikum.

Afturelding fagnar þessum liðsstyrk og verður spennandi að sjá hvernig hlutirnir þróast næstu misserin.