Það var Magnús Már Einarsson sem kom okkar mönnum á bragðið með marki á 27.mínútu og stuttu síðar bætti Alexander Aron Davorsson við marki úr víti. Heimamenn minnkuðu þó muninn strax og staðan 2-1 í hálfleik fyrir Aftureldingu.

Í síðari hálfleik setti Alex sitt annað mark og jók muninn að nýju fyrir gestina og það urðu lokaúrslit, sætur 3-1 sigur hjá strákunum okkar.

Afturelding er nú á toppi deildarinnar með 16 stig, rétt á undan ÍR og KV en þessi lið virðast þau öflugustu í deildinni það sem af er ásamt HK sem á leik til góða og getur minnkað muninn á efstu lið.

Næsti leikur Aftureldingar er einnig á útivelli, á Sindravöllum á Hornafirði gegn heimamönnum í Sindra sem eru sem stendur í fjórða sæti deildarinnar.