Interportmótið sem fram fer um helgina er einn af hápunktum sumarsins hjá yngstu flokkunum okkar en 6. 7. og 8.flokkur karla og kvenna taka þar þátt eins og kunnugt er.

5.flokkur karla er með eitt lið í úrslitariðli Íslandsmótins á Akureyri um næstu helgi og 6.flokkur karla og kvenna eiga bæði lið í úrslitum Polla- og Hnátumóta KSÍ um þessar mundir.

4.flokkur karla hefur ekki lokið leik í riðlakeppni Íslandsmótins og A-liðið á enn möguleiga á að ná í úrslitakeppnina og 4.kvenna á sömuleiðis eftir leiki en stelpurnar eru líka í toppbaráttu í sínum riðli.

Keppni hjá 3.flokki karla lýkur um miðjan september og stelpurnar í 3.flokki eiga einnig eftir tvo leiki og sama má segja um Íslandsmótið hjá 2.flokki karla og kvenna sem ætti að klárast í kringum miðjan næsta mánuð.