Þetta eru þær Berglind Rós Ágústsdóttir og Katla Rún Arnórsdóttir sem koma á láni í sumar frá Val og Stefanía Valdimarsdóttir sem hefur skipt til okkar frá Breiðablik.

Berglind er 19 ára gamall varnarmaður sem á að baki 2 U19 og 12 U17 landsleiki. Hún er uppalin í Val og hefur leikið 19 leiki fyrir meistaraflokk þeirra. Katla Rún er 18 ára gömul, einnig varnarmaður með 2 U19 og 5 U17 landsleiki að baki. Katla hefur leikið 8 meistaraflokksleiki, flesta með Selfoss í Pepsideildinni í fyrra þar sem hún var á láni.

Þá hefur Stefanía Valdimarsdóttir gengið til liðs við Aftureldingu frá Breiðablik. Stefanía hefur undanfarin ár einbeitt sér að frjálsum íþróttum en hún á 7 U17 landsleiki á ferilskránni frá því fyrir nokkrum árum síðan. Stefanía er 21 árs og kann vel við sig á öðrum hvorum kantinum eða í framlínunni.

Þá er að auki væntanleg til landsins á næstu dögum enski framherjinn Helen Linskey sem kemur úr bandaríska háskólaboltanum.

Knattspyrnudeild býður þær allar velkomnar í Mosfellsbæinn.