Helgina sem leið voru leiknir síðustu keppnisleikir í körfubolta á tímabilinu. Minnibolti 11 ára (6. bekkur) og 8. flokkur (f.2011) drengja spiluðu sína síðustu keppnisleiki á Íslandsmótinu ´24-´25 og er því öllum keppnisleikjum á vegum KKÍ lokið.
Keppnistímabilið var ansi viðburðarríkt hjá okkur í Aftureldingu þar sem við buðum upp á starf fyrir öll börn í 1.-10. bekk grunnskóla en nú í ár bættist við 11. flokkur (1. ár í framhaldsskóla). Afturelding sendi lið til keppni í Íslandsmóti á vegum Körfuknattleikssambandsins frá 5. bekk (mb.10 ára) og alveg upp í meistaraflokk karla sem í ár í fyrsta skipti í rúman áratug tók þátt í keppni í 2.deild karla. 11.flokkur (1. ár í framhaldsskóla) er okkar elsti yngri flokkur þó við séum bara með stráka í 10. bekk (f.2009) sem leika í þeim flokki. Í gegnum árin höfum við jafnt og þétt verið að bæta við flokkum eftir því sem deildin vex og dafnar og krakkarnir eldast sem er frábært í ljósi góðrar fjölgunnar í deildinni hjá okkur.
1.-4. bekkur fór á fjögur mót í vetur en hátt í 80 börn voru að æfa í þeim flokkum en heildarfjöldi iðkennda á árinu fór yfir 200 með meistaraflokki karla meðtöldum. Sú staðreynd er gífurlega jákvæð frétt fyrir körfuna í Aftureldingu og félagið í heild að geta boðið upp á metnaðarfullt körfuboltastarf í heimabyggð sem eftir er tekið á landsvísu! Nærtækasta er að nefna að á árinu 2025 hlaut körfuknattleiksdeild Aftureldingar hvatningarverðlaun UMSK fyrir öflugt og metnaðarfullt körfuknattleiksstarf.
Körfuboltamaraþon 7. og 8. bekkjar
Félagið tók þátt í tveimur alþjóðlegum mótum með strákum í 10. Bekk, EYBL´25 í Lettlandi og Scania Cup ´25 í Svíþjóð, þar sem iðkenndur deildarinnar stóðu sig frábærlega. Lentu í 3ja sæti í sínum riðli í Evrópudeildinni sem fram fór í Lettlandi í febrúar. Næsta stóra verkefni er hjá 7. og 8. flokknum (f. 2011 & 2012) sem eru á leið í æfingaferð til DUKE University í Bandraíkjunum í lok júní. Slík ferð kallar á mikila skipulagningu og undirbúning foreldra sem hefur gengið mjög vel og mikill spenningur fyrir því ævintýri hjá flokkunum.
EYBL 2025 – þriðja sæti
Þó vetrarstarfinu sé nú að ljúka á sama tíma og skólarnir fara í sumafrí þá býður deildin upp á þjónustu fyrir öll börn í 1.-10. bekk í sumar líkt og áður og hefjast sumarnámskeið og sumaræfingar deildarinnar 10. júní nk.
Hægt að skrá sig hér :
Körfuboltanámskeið 1.-4.bekkur frá kl: 09:00-12:00 alla virka daga:
https://www.abler.io/shop/afturelding/sumarnamskeid2025/product/Q2x1YlNlcnZpY2U6Mzg5Njk
Körfuboltaæfingar 5-10.bekkur: eftir hádegi mánudaga – fimmtudaga:
https://www.abler.io/shop/afturelding/karfa
Starf körfuknattleiksdeildar er viðamikið og mun deildin halda áfram að leggja sig fram um að bjoða upp á framúrsrakandi þjónustu ört vaxandi deildar. Deildin vill koma á framfæri miklum og kærum þökkum til allra þeirra sem að starfinu koma, stjórnarmanna, þjálfara, foreldra, aðstandenda og auðvitað allra iðkendanna sjálfra.
Án ykkar væri þetta heldur rólegt.
GLEÐILEGT SUMAR!