Kæru foreldrar/forráðamenn,

Búið var að senda til ykkar allra að general prufan yrði í fimleika salnum núna á föstudaginn næstkomandi kl 16:00. Við vorum að fá að vita að opnunartíma Íþróttamiðstöðvarinnar að Varmá var breytt vegna jólaskemmtunar starfsmanna hússins og lokar húsið kl 16:00.

Við verðum því að færa general prufuna yfir á laugardaginn 12. desember kl 12:00-13:30. Mæting er í Sal 1 á neðri hæðinni þar sem sýningin sjálf verður á sunnudeginum. ATH leikskólahópar mæta EKKI á general prufu, eingöngu grunn- og keppnishópar.

Allar æfingar á föstudaginn næstkomandi sem hefjast kl 15:00 verða til kl 15:45 og mikilvægt er að börn séu sótt fyrir kl 16:00 áður en húsið lokar, en æfingar hjá R-5, R-4 Gulur og Rauður, O-1 mix og P-1 verður því miður að fella niður.

Æfingar hjá R-7 og P-1 falla einnig niður laugardaginn 12. desember útaf general prufu.

Við biðjumst velvirðingar á því að þurfa breyta þessu með svona stuttum fyrirvara en höfum því miður ekki annarra kosta völ.

Við viljum einnig minna á að önninni lýkur hjá leikskólahópum eftir jólasýningu, en grunn- og keppnishópar æfa út næstu viku.

Kær kveðja,

Stjórn og yfirþjálfarar Fimleikadeildar Aftureldingar