Fimleikadeild Aftureldingar mun standa fyrir æfingum og námskeiði í allt sumar.

Önnin hefst mánudaginn 13. júní en henni lýkur föstudaginn 19. ágúst. Engar æfingar verða þó í júlí. Önnin telur því 6 vikur og verður boðið upp á æfingar fyrir 6 ára börn og eldri.

Þetta er kjörið tækifæri fyrir fimleikakrakka að halda áfram æfingum yfir sumarið og koma vel undirbúin inn í haustönnina. En einnig er þetta tilvalið fyrir þá krakka sem ekki hafa æft fimleika áður að prófa íþróttina og undirbúa sig fyrir komandi fimleikaár. Engin krafa er að krakkar hafi æft fimleika eða aðra íþrótt áður.

Fimleikakonan Ingibjörg Antonsdóttir mun halda utan um námskeiðið en henni til halds og traust verða aðrir fimleikaþjálfarar.

Sumrinu verður skipt í tvennt:

Fyrir hádegi verða æfingar með sama sniði og haust- og vorönn. Þær verða í boði fyrir alla krakka fædda 2007 og eldri. Æft er 4x í viku, mánudaga-fimmtudaga og verður krökkunum skipt eftir aldri í flokka. Æft er 2 klst í senn, annaðhvort frá kl 9:00-11:00 eða kl 11:00-13:00

Eftir hádegi verður sumarnámskeið í boði með sama sniði og var í fyrra þar sem æfingar verða brotnar upp með ýmissi skemmtun á borð við leiki, útiveru, göngutúra og fleiru eftir veðri.
Sumarnámskeiðið er í boði fyrir alla krakka fædda 2009 og eldri. Námskeiðið verður alla virka daga frá kl 13:00-16:00.
Börn sem fædd eru 2010 og eru á leið í 1. bekk í haust eru velkomin í ágúst.

Frjálst er að skrá börn fædd 2007 og eldri bæði fyrir og eftir hádegi.

Athugið að takmarkaður fjöldi kemst að á námskeiðin.

Boðið verður upp á að kaupa allar 6 vikurnar eða hálft námskeið (3 vikur) eða stakar vikur.

Skráning fer fram í gegnum skráningarkerfi Aftureldingar Nóra: https://afturelding.felog.is/ En upplýsingar eru gjarnan veittar á fimleikar@afturelding.is.