Á laugardaginn mætti 9. flokkur Aftureldingar liði Grindavíkur í VÍS bikarnum. Leikurinn var heimaleikur Greindvíkinga og fór hann fram í Sandgerði.  Um var að ræða 16 liða úrslit en áður hafði Afturelding keppt við Stjörnuna C í 32 liða úrslitum og haft betur.  Fyrri hálfleikur var brokkgengur hjá okkar mönnum og var Grindavík yfir í hálfleik, 25-33. Sævaldur Bjarnason, þjálfari Aftureldingar, barði leikmönnum von í brjóst í hálfleik og hvatti menn til dáða.  Frábær byrjun 3. leikhluta þar sem leikmaður númer 34, Björgvin Már Jónsson, gerði sér lítið fyrir og tók þrjár þriggja stiga körfur í röð. Afturelding leit ekki um öxl eftir þetta og vann góðan 17 stiga sigur, 71-54.  Afturelding komið í 8 liða úrslit í VÍS bikarnum en sú umferð verður leikin í janúar.