Í næstu viku fara fram Smáþjóðarleikarnir og eru þeir haldnir í Andorra að þessu sinni dagana 27-30 maí.

Þar sem kvennalið Íslands í blaki er að keppa í Silver League á sama tíma þá geta þær ekki tekið þátt í leikunum.

Afturelding átti 6 þátttakendur í  íslenska karlaliðinu en því miður þá þurfti Sigþór Helgason að draga sig út vegna meiðsla sem hann hlaut í æfingaleik með landsliðinu.

Keppendur frá Aftureldingu eru: Atli Fannar Pétursson, Hafsteinn Már Sigurðsson, Kristinn B Hannesson, Kristinn Freyr Ómarsson og Valens Torfi Ingimundarson.  Hilmir Berg Halldórsson ferðast með liðinu sem leikgreinandi og Gunna Stína fer sem fararstjóri hópsins.

Í strandblaksliði kvenna á Afturelding þátttakanda en Thelma Dögg Grétarsdóttir spilar fyrir hönd Íslands ásamt meðspilara sínum Jónu Margréti Arnarsdóttur. Sunna Líf Arnarsdóttir sem æfir og spilar með yngri flokkum Aftureldingar fer með sem leikgreinandi í strandblakinu.

Sjúkraþjálfari blakara í ferðinni kemur einnig úr Aftureldingu, Ragnheiður Lóa Stefánsdóttir sem æfir með 2.deild kvk. Þjálfari strandblaksliðanna er Janis Novikovs og þjálfari A landsliðs karla er fyrrverandi þjálfari í Aftureldingu, Borja Gonzalez Vicente

Hægt er að fylgjast með gengi Íslands á leikunum á heimasíðu leikanna hér: