Einar gekk til liðs við Aftureldingu fyrir nýliðið tímabil en hann kom frá Njarðvíkingum. Hann er uppalinn hjá Val og lék með þeim upp yngri flokkana og á að baki 17 leiki í efstu deild með Val. Eftir eitt ár hjá HK fór Einar til Njarðvíkur og lék þar í tvö ár áður en hann skipti yfir til Aftureldingar. Seinna árið sitt hjá Njarðvík var Einar valinn í lið ársins í 2.deildinni.

Einar á samtals að baki 101 leik með meistaraflokki og hefur í þeim skorað 19 mörk en í sumar lék Einar 21 leik með Aftureldingu og skoraði tvö mörk.

Anton Ari Einarsson markmaður var valinn efnilegastur en Anton lék alla 22 deildarleiki meistaraflokks í sumar. Anton er einn yngsti markmaður landsins sem er aðalmarkmaður síns liðs en hann var enn löglegur með 2.flokki í sumar. Anton hefur alls leikið 29 meistaraflokksleiki með Aftureldingu og 9 leiki með Hvíta Riddaranum. Hann hefur einnig starfað sem þjálfari hjá knattspyrnudeild undanfarin ár og staðið sig þar með mikilli prýði.   

Alexander Aron Davorsson var markahæstur með 10 mörk í 20 leikjum. Alex er uppalinn hjá Aftureldingu og hefur leikið með meistaraflokki síðan 2010 en hann á einnig meistaraflokksleiki með Hvíta Riddaranum og Leikni Fáskrúðsfirði.

Besti félaginn var svo valinn Heiðar Númi Hrafnsson, varamarkmaður en hann vakti mikla athygli í sumar fyrir líflega framkomu innan og utan vallar. Númi lék fyrri hluta sumars í markinu hjá Hvíta Riddaranum sem náði í undanúrslit í 4.deild en skipti yfir í Aftureldingu í júlí glugganum Antoni til halds og trausts.