Til mótsins komu þátttakendur frá 13 félögum af öllu landinu.  Þátttakendur gerðu allir sitt besta og voru sér og sínum íþróttafélögum til mikils sóma. Margir góðir  gestir komu í heimsókn, meðal annarra afreksfólk í frjálsíþróttum sem tók m.a. að sér að dæma í nokkrum greinum.  Einnig kepptu sem gestir í mótslok, tveir af okkar bestu karlkyns spjótkösturum.  Þeir stórbættu árangur sinn og setti annar þeirra, Örn Davíðsson,  Íslandsmet í sínum aldursflokki (ungkarla) með kasti upp á 75,96 m., við mikinn fögnuð viðstaddra.  Þetta er líka vallarmet á Varmárvelli. Báru spjótkastararnir mikið lof á allar aðstæður og þá miklu hvatningu sem þeir fengu frá áhorfendum sem voru fjölmargir.  Myndir frá mótinu má sjá á Facebooksíðu Gogga sjálfs og yfirlit úrslita má sjá á vef FRÍ http://mot.fri.is/cgi-bin/ibmot/timesedillib1854.htm Stjórn frjálsra vill þakka þeim fjölmörgu sjálfboðaliðum, foreldrum, aðstandendum og velunnurum  sem störfuðu á mótinu en þó  sérstaklega þeim eldri iðkendum sem unnu um helgina til að gera yngri iðkendum kleift að taka þátt í skemmtilegu móti.