Afturelding er komin í 16 líða úrslit í Coca Cola bikar karla eftir 10 marka sigur gegn Fjölni að Varmá í gær.
Liðin léku í deildinni á fimmtudag þar sem Afturelding vann með 11 marka mun og þróaðist þessi leikur mjög svipað og fyrri leikur liðanna.
Heimamenn byrjuðu vel og náðu þægilegu forskoti og var staðan meðal annars 15-9  á tímabili í fyrri hálfleik.
Í kjölfarið kom kæruleysislegur kafli og söxuðu Fjölnismenn á forskotið og minkuðu muninn niður í tvö mörk í seinni hálfleik en þá gáfu leikmenn Aftureldingar aftur í og
sigruðu örugglega með 10 marka mun.
Dregið verður í bikarnum í vikunni og verður spennandi að sjá hverjir verða mótherjar Aftureldingar í 16 liða úrslitum.

Áfram Afturelding.