HANDBOLTAAKADEMÍA STOFNUÐ Í FMOS.
Framhaldsskólinn í Mosfellsbæ býður upp á handboltaakademíu í fyrsta skiptið haustið 2016. Boðið er upp á sérsniðna dagskrá sem hentar þeim vel sem æfa mikið og vilja gott aðhald og fræðslu. Nemendur á handboltaakademíu geta stundað nám á hvaða bóknámsbraut skólans sem er (Opin stúdentsbraut, Félags-og hugvísindabraut og Náttúruvísindabraut ). Handboltaakademía er fyrir nemendur sem vilja stunda handknattleik með álagi afreksmanna samhliða bóknámi. Nemandi fær fjórar einingar á önn fyrir að stunda nám á handboltaakademíu. Þessar einingar nýtast beint til stúdentsprófs.
Handboltaakademían stendur yfir í 3 ár alls 24 einingar og nemandi útskrifast með stúdentspróf af bóknámssviði auk útskriftar af handboltaakademíu. Fjórða árið er hugsað þannig að nemandi geti einbeitt sér að þeim bóklegu greinum sem hann á eftir til að klára stúdentsprófið.
• Að hafa stundað handknattleik í nokkur ár og vera virkur iðkandi í íþróttafélagi.
• Að hafa staðist grunnskólapróf
• Vera vímuefnalaus íþróttamaður/íþróttakona.
• Geta tileinkað sér hugarfar og lífsstíl afreksíþrótta.
• Standast eðlilega námsframvindu.
• Gerð er krafa að nemendur hafi a.m.k. 90% skólasókn í öllum námsgreinum.
Frábær kennsluaðstaða:
Íþróttamiðstöðin að Varmá
Elding líkamsrækt að Varmá
Þjálfarar:
Handbolti: Einar Andri Einarsson – þjálfari mfl. Karla hjá Aftureldingu og yfirþjálfari.
Styrktarþjálfun: Rúna Björg
Efnisgjald:
Handboltaakademíu verður innheimt sérstaklega til viðbótar við önnur skólagjöld og er það kr. 25.000 á önn.
Búnaður:
Búnaður sem er innifalinn í iðgjaldi. Á hverju ári fá nemendur handbolta, nýtt æfingasett af sem samanstendur af tvöföldu setti af bolum, stuttbuxum og sokkum, ásamt veglegri peysu.