Karlalið Aftureldingar í knattspyrnu hafði betur gegn Fram í Lengjubikarnum í gærkvöld. Lokatölur urðu 1-3 fyrir Aftureldingu en leikið var í Safamýri.

Mosfellingar yfir með marki frá Andra Frey Jónassyni í fyrri hálfleik. Jökull Steinn Ólason jafnaði fyrir leikhlé og staðan 1-1 þegar leikmenn gengu til búningsklefa. Gestirnir úr Mosfellsbæ nýttu færin sín í síðari hálfleik og tryggðu mörk frá Ragnari Má Lárussyni og Róberti Orra Þorkelssyni góðan sigur í fyrstu umferð.

Næsti leikur fer fram næstkomandi föstudag kl. 18:10 þegar Afturelding fer í heimsókn í Kórinn og mætir HK.