Félagið átti fulltrúa í nánast öllum aldursflokkum í fótbolta, bæði undir eigin nafni og öðrum en þáttaka á mótinu er ekki bundin félögunum sjálfum heldur mega krakkarnir stofna sín eigin lið ef þau vilja. Þannig kepptu Aftureldingarkrakkar m.a. undir nöfnum Rauðrófanna, Malibu Dream Team, Hvíta Riddarans og Mosó Heat og einnig sem Afturelding.

Bestan árangur Aftureldingarliðs náði 5.flokkur kvenna sem tryggði sér bronsverðlaun.

Hæfileg alvara fylgir oft keppni á þessum mótum og margir sem notuðu tækifæri til að prófa aðrar íþróttagreinar. Mátti sjá fótboltakrakka í kúluvarpi, boðhlaupum og golfi og vakti t.d. þáttaka knattspyrnuliðs Malibu Dream Team í 3.flokki kvenna í körfubolta mikla lukku.

Á myndinni eru bronsstelpurnar í 5.flokki með verðlaunin sín.