Gunnar Logi sem er 19 ára og uppalinn Aftureldingarmaður er örvfættur varnarmaður sem getur bæði spilað sem miðvörður og bakvörður. Hann hefur verið lykilmaður í vörn 2. og 3. flokks Aftureldingar undanfarin ár. Gunnar kom við sögu í 3 leikjum meistaraflokks í 2. deild í sumar og skilaði sínu hlutverki vel en hann þreytti sína frumraun í fyrrasumar.

Gunnar hefur leikið 5 leiki með U17 og 1 með U19 landsliðum Íslands. Hann er mikill leiðtogi og hefur oftar en ekki verið fyrirliði í yngri flokkum.

Það er knattspyrnudeild mikið ánægjuefni að Gunnar Logi hafi framlengt samningi sínum enda mjög efnilegur leikmaður og framtíðarmaður fyrir Aftureldingu.