Afturelding hefur gert tveggja ára samning við varnarmanninn efnilega Oskar Wasilewski. Oskar er 19 ára gamall Skagamaður sem getur bæði leyst stöðu miðvarðar og bakvarðar.

Hann sem var fyrirliði ÍA sem varð Íslandsmeistari í 2. flokki í sumar og á einnig að baki 12 meistaraflokksleiki með Kára í 2. deild karla og Mjólkurbikarnum.

Afturelding býður Oskar hjartanlega velkominn til félagsins og mun hann passa mjög vel inn í ungan og efnilegan leikmannahóp Aftureldingar.

Mynd/Raggi Óla: Oskar Wasilewski og Magnús Már Einarsson, þjálfari Aftureldingar.