Sigga kveður Aftureldingu sem leikja- og markahæsti leikmaður meistaraflokks kvenna frá upphafi en á átta tímabilum í meistaraflokki lék hún 112 leiki og skoraði í þeim 32 mörk. Sigga á einnig að baki 3 leiki með U19 og 8 með U17 landsliðunum.

Sigga hefur verið lykilmaður í liði Aftureldingar undanfarin ár og var valin íþróttamaður Aftureldingar 2010 og hefur hlotið fjölda annarra viðurkenninga á ferli sínum.

Knattspyrnudeild óskar henni góðs gengis og velfarnaðar á nýjum slóðum og vill einnig þakka fyrir framúrskarandi gott framlag til félagins.