Knattspyrnudeild vill koma því á framfæri til allra sem eiga leið um Leirvogstungu á leið til og frá athafnasvæði knattspyrnudeildar á Tungubökkum að virða hámarkshraða á götum í Leirvogstungu og biður alla vinsamlegast að fara sér almennt hægt í hverfinu.

Það er 30km hámarkshraði í hverfinu og stundum þarf að keyra hægar þegar mikið er um krakka á götunum að leika sér. Í hverfinu eru krakkar oft að leika sér í botnlöngunum en eiga það til að fara á hjólum snögglega út í aðalgöturnar með tilheyrandi slysahættu.

Stöndum saman um öryggi barnanna – og annarra íbúa!

Umferðarkveðja frá knattspyrnudeild !