Silfur og gull hópur sundfélags Aftureldingar tók þátt í KR Gullmótinu um helgina með stóran og öflugan hóp sundmanna. Keppt var föstudag, laugardag og sunnudag og allir liðsmenn stóðu sig vel og greinilegt var að æfingar vetrarins hafa skilað sér. Stemningin innan hópsins var frábær. Það var líf og fjör í Laugardalslauginni þegar mótið fór fram og dómarar voru sammála um að sjaldan eða aldrei hafi áhorfanda stúkurnar verið jafn þétt setnar. Keppendur sýndu mikla baráttu, framfarir og sjálfstraust og uppskeran varð eftir því.
Sterk frammistaða hjá stelpunum
Elísabet Steinunn Andradóttir sýndi mikla seiglu og hraða með silfri í 200m bringusundi og silfri í 100m flugsundi.
Margrét Brynja Steingrímsdóttir bætti enn í verðlaunasafnið með silfri í 100m skriðsundi og bronsi í bæði 200m skriðsundi og 200m bringusundi eftir harða baráttu í úrslitum.
Glæsilegir einstaklings og hóp sigrar hjá piltunum
Benjamín Pétursson átti stórkostlegt mót þar sem hann synti til gulls í 200 m flugsundi og bætti svo við silfri í 200 m fjórsundi eftir spennandi keppni.
Bjarki Ragnar Arnarsson var einnig í toppformi. Hann tryggði sér gull í 200m skriðsundi, og bætti við tveimur verðlaunum til viðbótar – bronsi í 400 m skriðsundi og bronsi í 200m bringusundi.
Nói Nikolai Davíðsson átti hreint magnað mót. Hann vann gull í 200m skriðsundi og gull í 200m bringusundi, ásamt því að synda til silfurs í 200 m baksundi og brons í 100m baksundi. Frammistaða sem sýnir bæði breidd og styrk.
Liðsheildin skilar sér
Í boðsundinu sameinuðust kraftar hópsins þegar Benjamín Pétursson, Bjarki Ragnar Arnarsson, Nói Nikolai Davíðsson og Mangirdas Molinusis synti með sveitinni til gulls í 13 – 15 ára í 4 × 100m skriðsundi. Þar sást hvað liðsheildin skiptir miklu.
Framtíðin er björt fyrir sundfélag Aftureldingar
Árangurinn um helgina er ekki bara medalíur heldur staðfesting á dugnaði, þrautseigju og framförum hópsins. Það er að stórum hluta að þakka okkar frábæra þjálfarateymis, Gunnars Freys, Ingvars og Eyrúnu. Afturelding hélt heim stolt, reynslunni ríkari og með enn meiri metnað fyrir næstu verkefni.
Áfram Afturelding!