U18 ára landslið Íslands í blaki  tekur nú þátt í Evrópumóti Smáþjóða í Dublin á Írlandi.  Mótið er einnig undankeppni Evrópumótsins 2026 (CEV) og veitir sigur á mótinu þátttökurétt á Evrópumótinu.

Í dag, miðvikudag kl 17:00 spilar íslenska kvennaliðið  úrslitaleikinn á mótinu eftir að hafa sigrað andstæðinga sína frekar létt. Þær spiluðu við Færeyjar, N-Írland og Lichtenstein. Úrslitaleikinn spila þær aftur við Færeyjar sem unnu sinn undanúrslitaleik í gær.

Emilía Dís Júlíusdóttir sem spilar með U16 ára liði Aftureldingar er fulltrúi okkar í íslenska liðinu og hefur staðið sig frábærlega í leikjunum hingað til.

Aðalþjálfari  U 18 kvenna kemur einnig úr okkar röðum en það er Thelma Dögg Grétarsdóttir.

Við óskum þeim og íslenska landsliðinu góðs gengis í úrslitaleiknum.

Áfram Ísland