Kvennalið Aftureldingar eru Bikarmeistari  í  blaki 2024.

Um síðustu helgi fór fram FINAL4 helgin í  Kjörísbikarnum í blaki.  Í undanúrslitunum fengu stelpurnar lið Blakfélags Hafnafjarðar og vannst sá leikur 3-0 .  Á  laugardaginn var síðan úrslitaleikurinn við ríkjandi Íslands-og bikarmeistara KA .  Leikurinn var sýndur beint á RUV en síðast þegar RUV sýndi beint frá blakleik var það einmitt á milli þessar tveggja liða þegar þær spiluðu úrslitaleik um Íslandsmeistaratitilinn í maí 2023 og þá vann KA 3-2.

Aftureldingarstúlkur sýndu svo sannarlega að þær voru komnar til að hirða bikarinn góða  og taka hann með heim í Mosfellsbæ.  Þær sýndu frábæran karakter með því að vinna hrinu 1 og 2 þrátt fyrir að allt liti út fyrir að KA stúlkur væru að vinna.  Þær unnu leikinn 3-0 og fóru hrinurnar; 26-24, 25-23 og 25-22.

Thelma Dögg Grétarsdóttir var valin besti leikmaðurinn en hún skoraði 31 stig í þessum leik.

Blakdeildin vill koma á framfæri kærum þökkum til styrktaraðila liðsins í Kjörísbikarnum sem voru: Mosfellsbær, Verslunartækni og Geiri, Fasteignasala Mosfellsbæjar, Allt Fasteignasala, KPMG, Tengi, Play og Lagnabræður.

Ljósmyndir: Mummi Lú