Skólamót í blaki var haldið s.l. föstudag og kepptu nemendur í 6. bekk Varmárskóla við félaga sína í 6. bekk Lágafellsskóla. Þetta er í þriðja sinn sem mótið er haldið og í annað sinn sem keppt er um farandbikar sem blakdeild Aftureldingar gaf. Spilað var á 10 völlum og var mikið fjör og skemmtilegt. Úrslitin urðu þau að Lágafellsskóli vann mótið með 351 stig um gegn 319 stigum Varmárskóla og fær því bikarinn til varðveislu í ár. Blakdeildin vill þakka öllum 6.bekkingum fyrir þátttökuna og flotta spilamennsku og býður öllum krökkum að koma og prufa blak, en tímatöflur eru hér á heimasíðunni undir blakflipanum.  Íþróttakennurum skólanna er þakkað sérstaklega fyrir samvinnuna við þetta skemmtilega verkefni.