Afturelding og Stjarnan eigast við öðru sinni í undanúrslitaviðureigninni á Íslandsmótinu í kvöld kl 19:30 í Ásgarði í Garðabæ. Staðan í einvíginu er 1-0 fyrir Aftureldingu og þarf að vinna 2 leiki til að komast áfram í úrslitaeinvígið um Íslandsmeistaratitilinn.
Öruggur sigur Aftureldingar á Stjörnunni í fyrsta leik undanúrslitaleik kvenna í blaki.
Afturelding og Stjarnan léku fyrsta leik sinn í undanúrslitum kvenna í Mikasadeildinni í blaki í Mosfellsbæ í kvöld. Afturelding hafði yfirburði í leiknum og vann nokkuð öruggan sigur. Fyrstu tvær hrinur leiksins fóru 25-15 fyrir Aftureldingu og þriðja hrinan fór 25-20 fyrir Aftureldingu og unnu þær leikinn 3-0.
Þriðjudagur 19:30 úrslitakeppni
Úrslitakeppnin í blakinu hefst á morgun þriðjudag. Afturelding landaði deildarmeistaratitlinum um sl. helgi og er því með heimaleikjaréttinn. Í undanúrslitum þarf að vinn 2 leiki og í úrslitum þarf að vinna 3 leiki.
Deildarmeistarar
Afturelding varð á föstudagskvöld deildarmeistari í blaki kvenna þrátt fyrir að liðið tapaði fyrir Þrótti Nes, 3:2, í hrinum talið á heimavelli í Mosfellsbæ. Aftureldingu nægði stig í leiknum sem það krækti sér í með því að vinna tvær hrinur.
Varmá – mikil blakhelgi
Mikið verður um að vera í blakinu að Varmá þessa helgina. Kvennaliðið á möguleika á að tryggja sér deildarmeistaratitilinn ef þær ná sigri í öðrum af tveimur leikjum helgarinnar.
Bikarveisla um helgina
Kvennalið Aftureldingar er komið í undanúrslit í bikarnum og mætir Þrótti Nes kl 14 á laugardag. Fjölmennum og hvetjum stelpurnar í Laugardalshöllinni.
Bikarhelgi – miðasala
Bikarhelgi í Laugardalshöll – Undanúrslit á laugardag þar sem kvennalið Aftureldingar mætir Þrótti Nes kl 14.
Úrslit spiluð á sunnudag kl 13 konur og 15 karlar í beinni á RÚV.
Afturelding á toppnum þegar 2 leikir eru eftir.
Afturelding hafði betur gegn HK í spennandi leik í efstu deild kvenna í blaki í kvöld en liðin mættust í Fagralundi í Kópavogi og lauk leiknum með 3-2 sigri gestanna úr Mosfellsbæ.
Auðveldur sigur Afturelding á Þrótti Reykjavík í Mikasadeild kvenna í blaki
Í gærkvöldi áttust við Afturelding og Þróttur Reykjavík í Mikasadeild kvenna og leikið var að Varmá. Afturelding hafði mikla yfirburði í leiknum og unnu sannfærandi sigur.
3-0 sigur á Þrótti Nes í dag !
Mikil spenna var fyrir leik Aftureldingar og Þróttar Neskaupsstaðar í dag í Mikasadeild kvenna þegar liðin í efsta sæti og þriðja sæti deildarinnar mættust að Varmá í Mosfellsbæ
Fyrir leikinn var staðan í deildinni þannig að Afturelding var efst með 26 stig eftir 10 leiki og Þróttur Neskaupsstað í þriðja sæti með 21 stig eftir 8 leiki.