Kvennalið Aftureldingar gerði góða ferð í Garðabæinn í kvöld þar sem þær mættu heimakonum í Stjörnunni. Afturelding vann öruggan 3-0 sigur. Fyrstu hrinuna 25-18, hrinu 2, 25-20 og lokahrinuna 25-10. Til hamingju stelpur.

Lið Aftureldingar gerði góða ferð á Álftanes um helgina þar sem fram fór undankeppni í bikarnum. Efsta lið úr hvorum riðli komst beint í undanúrslit í bikarkeppninni sem mun fara fram 15.mars í Laugardalshöllinni.

Úrslit karlaliða KA – UMFA í blaki í dag snerust við, frá því á föstudagskvöldið. Okkar menn töpuðu í dag 3-1. Byrjuðu vel og unnu fyrstu hrinu: 21-25. Næstu þrjár hrinur töpuðust: 25-22, 25-18 og 25-21. Gunnar Pálmi Hannesson var stigahæstur hjá KA með 19 stig, Sævar Karl Randversson gerði 13 og Ævarr Freyr Birgisson 12. Hilmar Sigurjónsson gerði 15 fyrir Aftureldingu og Ismar Hadziredzepovic 10.

Karlaliðið Aftureldingar í blaki vann sinn fyrsta leik á tímabilinu þegar þeir unnu KA í kvöld, 1-3 á Akureyri. Þeir spila aftur við KA á morgun kl 14:00.

Afturelding og KA mættust í kvöld í Mikasadeild kvenna að Varmá. Afturelding vann leikinn nokkuð auðveldlega 3-0. Afturelding vann fyrstu hrinuna 25-8, hrinu tvö 25-16 og hrinu þrjú 25-14.

Afturelding tekur á móti KA í mikasadeild kvenna að Varmá í kvöld kl 19. Fjölmennum á pallana og hvetjum stelpurnar okkar.
Leikurinn verður einnig sýndur beint á sporttv.is

Lið Aftureldingar og Þróttar Nes áttust við öðru sinni á jafn mörgum dögum í Mikasadeild karla í blaki í Íþróttahúsinu að Varmá í dag.
Þróttarar unnu örugglega fyrstu tvær hrinurnar 25-19 og 25-18. Þriðju hrinu byrjaði Afturelding af krafti og náði að halda forystu út hrinuna, unnu 25-13. Í þessari hrinu meiddist Martin M. Marinov, leikmaður Þróttar og gat hann lítt beitt sér það sem eftir var leiks en varð að leika með vegna manneklu í liði Þróttara. Auk þess hafði Geir Sigurpáll Hlöðversson, liðsfélagi hans, fingurbrotnað í leiknum kvöldið áður og gat ekki verið með í dag. En Þróttarar bitu í skjaldarrendur og unnu fjórðu hrinu 25-22 og þar með leikinn 3-1.

Lið Aftureldingar og Þróttar Nes áttust við í Mikasadeild karla í blaki í kvöld að Varmá. Leikurinn var jafn og skemmtilegur og lauk með sigri Þróttar 3-1. Þróttur Nes vann fyrstu tvær hrinurnar 22-25 og 22-25. Lið Aftureldingar náði að minnka muninn með því að vinna þriðju hrinu 25-21. Þróttur Nes tryggði sér svo sigur í fjórðu hrinu, sem vannst 22-25.

Mikil blakhelgi er framundan að Varmá. Á föstudag tekur karlalið Aftureldingar í Mikasadeildinni á móti Þrótti Nes kl 19, sá leikur verður sýndur beint á sporttv.is. Liðin mætast síðan aftur kl 13 á laugardag að Varmá.

Kvennalið Aftureldingar gerði góða ferð í Garðabæinn í kvöld þar sem þær unnu lið Stjörnunnar – 0-3 (15-25, 20-25, 17-25). Við óskum stelpunum til hamingju með sigurinn.