Afturelding og Stjarnan áttust við í Mikasadeild kvenna í kvöld í Mosfellsbænum. Afturelding byrjaði fyrstu hrinuna mjög vel á meðan Stjarnan átti í vandræðum í móttöku og endaði hrinan með sigri Aftureldingar 25-13. Stjörnustúlkur komu ákveðnar til leiks í hrinu tvö og komust í 12-6 en Afturelding jafnaði leikinn í 14-14. Hrinan endaði með sigri með Aftureldingar 25-22 eftir mjög jafnan leik. Í þriðju hrinu var jafnt framan af en í stöðunni 8-8 náði Afturelding undirtökunum og vann hrinuna 25-15 og leikinn 3-0.
Á toppnum í jólafrí.
Aftureldingarstelpurnar fara taplausar í jólafrí í efsta sæti Mikasadeildarinnar. Þær mættu Þrótt Nes í hörku fimm hrinu leik fyrir austan í dag. Leiknum lauk með 2-3 sigri Aftureldingar. Fyrsta hrina fór 23-25, Afturelding tapaði næstu tveimur 25-13 og 25-22 en vann tvær síðustu 10-25 og 10-15. Til hamingju stelpur !
Toppslagur á laugardag
Aftureldingarstelpurnar mæta Þrótti Nes fyrir austan á laugardag kl 13:30 í toppslag í Mikasadeildinni. Bæði lið hafa unnið alla sína leiki fram til þessa í vetur. Hægt verður að fylgjast með leiknum í beinni útsendingu á netinu á
Sigur og tap í kvöld.
Aftureldingarliðin spiluðu bæði í Mikasadeildinni í blaki í kvöld.
Kvennaliðið tók á móti Þrótti Reykjavík að Varmá í kvöld og lauk leiknum með öruggum 3-0 sigri heimakvenna sem unnu hrinurnar 25-8, 25-17 og 25-7.
Tap fyrir Þrótti R – 1-3
Afturelding tók á móti liði Þróttar Reykjavík í úrvalsdeild karla í blaki að Varmá í kvöld. Leikurinn var jafn til að byrja með en Þróttarar sigu fram úr og unnu fyrstu hrinuna örugglega 16-25 Aftureldingardrengirnir spýttu í lófana í 2.hrinu og spiluðu mjög vel og skiluðu mörgum fallegum boltum í gólfið og uppskáru sigur, 25-21.
Afturelding – Þróttur R föstudag kl 19.
Karlalið Aftureldingaeldingar mætir Þrótti R tvisvar i þessari viku. Liðið tapaði naumlega í Laugardalhöllinni á þriðjudagskvöld. Leikurinn fór 3-2 fyrir Þrótti og oddahrinan fór 20-18. Hörkuleikur og frábær barátta og karakter í okkar mönnum. Kolbeinn Tómas Jónsson 14 ára í 4.flokki spilaði miðjuna allan leikinn í sínum fyrsta leik með meistaraflokki og stóð sig frábærlega, átti m.a. 4 uppgjafir beint í gólf.
3-0 sigur á Stjörnunni í Garðabæ í kvöld
Kvennalið Aftureldingar gerði góða ferð í Garðabæinn í kvöld þar sem þær mættu heimakonum í Stjörnunni. Afturelding vann öruggan 3-0 sigur. Fyrstu hrinuna 25-18, hrinu 2, 25-20 og lokahrinuna 25-10. Til hamingju stelpur.
Konurnar komnar í undanúrslit í bikarnum
Lið Aftureldingar gerði góða ferð á Álftanes um helgina þar sem fram fór undankeppni í bikarnum. Efsta lið úr hvorum riðli komst beint í undanúrslit í bikarkeppninni sem mun fara fram 15.mars í Laugardalshöllinni.
Tap í dag fyrir norðan
Úrslit karlaliða KA – UMFA í blaki í dag snerust við, frá því á föstudagskvöldið. Okkar menn töpuðu í dag 3-1. Byrjuðu vel og unnu fyrstu hrinu: 21-25. Næstu þrjár hrinur töpuðust: 25-22, 25-18 og 25-21. Gunnar Pálmi Hannesson var stigahæstur hjá KA með 19 stig, Sævar Karl Randversson gerði 13 og Ævarr Freyr Birgisson 12. Hilmar Sigurjónsson gerði 15 fyrir Aftureldingu og Ismar Hadziredzepovic 10.
Fyrsti sigur tímabilsins
Karlaliðið Aftureldingar í blaki vann sinn fyrsta leik á tímabilinu þegar þeir unnu KA í kvöld, 1-3 á Akureyri. Þeir spila aftur við KA á morgun kl 14:00.