Hekla Daðadóttir er íþróttakona af guðs náð.  Hún hefur spilað handknattleik í mörg ár og er mikill reynslubolti.  Reynsla hennar og þekking á  handboltaíþróttinni hefur hjálpað mikið í uppbyggingu  kvennahandboltans hér í Aftueldingu. 
Hekla  er mikil keppnismanneskja og mætir í alla leiki með það eitt að markmiði að vinna leikinn. Hún er samviskusöm, skipulögð og sér yngir leikmönnum mikil fyrirmynd.   Hekla var með markahæstu leikmönnum N1-deildar kvenna   á  síðasta keppnistímabili  og gaman að segja frá því að hún er markahæsti  leikmaður,  það sem af er Olísdeildinni, á þessu keppnistímabili. Hekla er mjög mikilvægur hlekkur í þeirri uppbyggingu sem á sér stað í meistaraflokki kvenna í handbolta og uppbyggingu kvennaboltans í heild sinni. 

Stjórn handknattleiksdeildar óskar Heklu innilega til hamingju sem og góðs gengis í framtíðinni.