Strákarnir okkar í meistaraflokki karla héldu til Eyja í gær að keppa við íslandsmeistara ÍBV.  Leikurinn var jafn og spennandi allan leikinn og markverðir beggja liða í góðu formi.  Okkar drengir náðu mest 2 marka forystu í fyrri hálfleik en staðan var 13-13 í hálfleik.
Eyjamenn komu sterkari inn í seinni hálfleik og komust þremur mörkum yfir.  Okkar drengir sóttu í sig veðrið og minnkuðu muninn í eitt mark.  Á 52 mínútu var staðan jöfn 21- 21.   Það stefndi allt í æsispennandi lokamínútur og sú varð raunin. Davíð Svansson varði í tvígang á loka mínútu leiksins og niðurstaðan sigur 23 – 24.  Okkar strákar eru því ennþá á toppi Olísdeildarinnar eftir 12 umferðir.  4 umferðir eru eftir fram að áramótum og er næsti leikur á fimmudaginn næsta er Frammarar koma í heimsókn.