Íslandsmeistarar Aftureldingar í blaki kvenna leika til úrslita um Íslandsmeistaratitilinn fjórða árið í röð. Það varð ljóst eftir að Afturelding vann Þrótt Neskaupsstað í þremur hrinum í síðari leik liðanna í undanúrslitum í kvöld en leikið var eystra.
Afturelding vann fyrstu hrinuna, 25:18, aðra 25:10, og loks 25:17.
María Rún Karlsdóttir var stigahæst hjá Þrótti með 11 stig. Anna Svavarsdóttir og Lilja Einarsdóttir skoruðu þrjú stig hvor. Karen B. Gunnarsdóttir skoraði 12 stig fyrir Aftureldingu alveg eins og fyrirliðinn Zaharina Filipova. Auður A. Jónsdóttir skoraði 11 stig.