Bikarhelgi – final four

Blakdeild Aftureldingar Blak

Nú styttist í bikarúrslitahelgina í blaki sem verður í Laugardalshöll 7.-8.mars n.k. Þar verða undanúrslitaleikir leiknir á laugardeginum og úrslitaleikir á sunnudeginum.
Kvennalið Aftureldingar mætir Þrótti N í undanúrslitum kl 16 á laugardeginum og í hinum undanúrslitaleiknum mætast HK og Stjarnan.

Afturelding vann toppslaginn

Blakdeild Aftureldingar Blak

Aft­ur­eld­ing hafði bet­ur gegn HK, 3:1, á Íslands­móti kvenna í blaki en liðin átt­ust við í Fagralundi á föstudagskvöld.

Aft­ur­eld­ing vann fyrstu hrin­una, 25:23, HK vann aðra hrin­una, 25:12 en Aft­ur­eld­ing tryggði sér sig­ur­inn með því vinna tvær síðustu hrin­urn­ar, 25:12 og 25:14.

Stiga­hæst­ar hjá Aft­ur­eld­ingu:

Vel­ina Apostolova 15 stig

Kar­en Björg Gunn­ars­dótt­ir 11 stig

Á toppnum.

Blakdeild Aftureldingar Blak

Meistaraflokkur kvenna mætti KA aftur í KA heimilinu í dag. Leiknum lauk 3-0 fyrir Aftureldingu eins og leiknum í gær. Hrinurnar í dag fóru 25- 21, 25-19 og 25- 11.
Stigahæstar í dag voru Auður Anna Jónsdóttir með 16 stig og Fjóla Rut Svavarsdóttir með 9 stig. Í liðið KA var Birna Baldursdóttir með 10 stig og Alda “ okkar“ með 5 stig.
Stelpurnar eru nú á heimleið í roki og rigningu !
Afturelding er á toppi Mizunodeildarinnar með 45 stig.

Sigur á Akureyri í kvöld hjá stelpunum.

Blakdeild Aftureldingar Blak

Stelpurnar í Aftureldingu héldu norður til Akureyrar í dag og spiluðu við KA í kvöld. Þær unnu leikinn 3-0( 25-8, 25-18 og 25-21) Stigahæstar í liði Aftureldingar í kvöld voru Auður Anna Jónsdóttir og Fjóla Rut Svavarsdóttir með 10 stig hvor. Í liði KA var Dagbjört með 9 stig og fyrrum leikmaður Aftureldingar sem er flutt aftur norður Alda Ólína Arnarsdóttir með 7 stig.

5 frá Aftureldingu í kvennalandsliðinu

Blakdeild Aftureldingar Blak

Kvenna – og karlalandslið Íslands í blaki halda til Lúxemborgar á Nýársdagsmorgun til þátttöku í Novotel móti. Afturelding á 5 fulltrúa í kvennaliðinu, þær Thelmu Dögg Grétarsdóttur, Rósborgu Halldórsdóttur, Velina Apostolova, Karenu Björg Gunnarsdóttur og Fjólu Rut Svavarsdóttur. Thelma og Rósborg eru nýliðar í landsliðshópnum.

Toppslagur að Varmá föstudag kl 19.

Blakdeild Aftureldingar Blak

Afturelding og HK mætast í toppslag í Mizunodeild kvenna n.k. föstudag. Leikurinn hefst kl 19. Fjölmennum til að hvetja stelpurnar okkar áfram. Afturelding hefur ekki tapað leik í vetur en HK tapað einum leik sem var á móti Aftureldingu fyrr í vetur. Reikna má með hörkuleik þessara liða á föstudag.

Sigur og tap í kvöld hjá blakliðunum að Varmá.

Blakdeild Aftureldingar Blak

Tveir leikir fóru fram í kvöld að Varmá. Karlaliðið tók á móti Fylki úr Árbænum og beið lægri hlut 2-3. Strax á eftir tóku stelpurnar á móti Stjörnunni úr Garðabæ og unnu þann leik 3-0