Telma Rut Frímannsdóttir hefur unnið til verðlauna á tveimur mótum erlendis nú á haustdögum.

Æfingar karatedeildar fara fram með venjubundnum hætti í dymbilviku, dagana 21. -23. mars. Æfingar hefjast að nýju eftir páska, þriðjudaginn 29. mars.

Aðalfundur karatedeildar Aftureldingar verður haldinn miðvikudaginn, 9. mars, 2016, kl. 20.00 í íþróttahúsinu við Varmá, bardagasal.

Helgina 26. – 28. febrúar verða æfingabúðir með Sensei Steven Morris, 7. dan, frá Skotlandi hjá karatedeildum Aftureldingar og Fjölnis. Með Steven Morris í för er einnig Sensei Paul Lapsley, 5. dan. Auk æfingabúðanna verður efnt til KOI móts á sunnudeginum þar sem keppt verður í kata, kumite og gladiator.

Nú er Íslandsmeistaramóti barna og unglinga í Kata lokið með góðum árangri okkar þátttakenda. Í Kata 12 ára stúlkna var Oddný Þórarinsdóttir í 3. sæti. Í Kata 14 ára drengja urðu Matthías Eyfjörð og Máni Hákonarson í 3. sæti. Í hóp Kata 14-15 ára drengja urðu Matthías Eyfjörð, Máni Hákonarson og Þórður Henrysson í 2. sæti.

Í yngri hópum okkar urðu engin verðlaunasæti í þetta sinn, en vafalítið hefur komið mikið inn í reynslubankann. Krakkarnir stóðu sig öll með sóma og hegðun var til fyrirmyndar.

Tvö fjölmennustu karatemót ársins fara fram í Smáranum, íþróttahúsi Breiðabliks n.k. laugardag. Alls hafa 19 iðkendur hjá Aftureldingu skráð sig til keppni. Við hvetjum alla til að mæta og styðja okkar fólk, aðgangur ókeypis! 

Telma Rut Frímannsdóttir hlaut titilinn íþróttakona Aftureldingar 2015 núna um helgina. Telma hefur fimm sinnum hlotið tilnefningu og er vel að titlinum komin.

Á Uppskeruhátíð í Varmá í s.l. viku hlutu þau Máni Hákonarson og Valdís Ósk Árnadóttir viðurkenningar. Máni fyrir Íslandsmeistaratitil og bikartitla á árinu 2015 og þá fengu þau bæði viðurkenningu í flokknum efnilegir unglingar 2015.

Karatedeildin er afar stolt af sínu afreksfólki og óskar þeim Telmu Rut, Mána og Valdís Ósk til hamingju með frábæran árangur

Hér er listi yfir helstu viðburði hjá karatedeildinni á vorönn. Sem fyrr er von á meistara Sensei Steven Morris í febrúar og gefst þá öllum iðkendum deildarinnar tækifæri til að taka þátt í æfingabúðum og KOI móti í Varmá. Það er mikil stemning að æfa í stórum hóp í tvöföldum bardagasal með úrvals leiðbeinendum og KOI mótið er tilvalið æfingamót fyrir yngri iðkendur sem og eldri.

Æfingar fyrir byrjendur hefjast samkvæmt tímatöflu miðvikudaginn 6. janúar. Tímatöflu er að finna vinstra megin á síðu karatedeildarinnar. Allar æfingar fara fram í nýjum bardagasal Aftureldingar í íþróttamiðstöðinni við Varmá fyrir utan byrjendaæfingar fullorðinna sem fara fram í Egilshöll.

Þá er haustönn lokið og iðkendur stóðu sig svo sannarlega með sóma í beltaprófum núna í desember. Við viljum óska byrjendum sérstaklega til hamingju með nýju beltin og vonumst til að sjá þau hress og kát í janúar.