Sunnudaginn 26. maí fór fram opna bikarmótið Gladsaxe Cup í Danmörku. Landslið Íslands sendi sex keppendur en að þessu sinni náði Oddný Þórarinsdóttir úr Aftureldingu frábærum árangri en hún sigraði cadett flokk stúlkna 14-15 ára auk þess sem hún fékk brons opnum flokki kvenna 14 ára og eldri. Þórður Jökull Henrysson úr Aftureldingu keppti í junior flokki 16-17 ára pilta og senior flokki karla 16 ára og eldri og vann hann brons í báðum flokkunum.
Á myndinni hér að ofan má sjá Oddnýju og Þórð með verðlaun helgarinnar en í gær kepptu þau á Gothenburg Open í Svíþjóð.
Landslið Íslands vann fjölmörg verðlaun í Danmörku:
- Oddný Þórarinsdóttir Afturelding – opinn flokkur kvenna (14 ára+) brons og cadett 14-15 ára stúlkna gull
- Þórður Jökull Henrysson Afturelding – junior 16-17 ára pilta brons og senior karlar (16 ára+) brons
- Eydís Friðriksdóttir Fjölnir – cadett 14-15 ára stúlkna silfur
- Tómas Pálmar Tómasson Breiðabilk – cadett 14-15 ára pilta brons
- Freyja Stígsdóttir Þórshamar – junior 16-17 ára stúlkur gull og senior konur (16 ára+) brons
- Svana Katla Þorsteinsdóttir Breiðablik – senior konur (16 ára+) brons og opinn flokkur kvenna (14 ára+) silfur
Heildariðurstöður mótsins má nálgast hér.