Hægt er að skrá hér Sportabler Markaðstorg

SKILMÁLAR

Greiðsla æfingagjalds er forsenda fyrir þátttöku á æfingum og mótum. Forráðamaður ber ábyrgð á skráningu og greiðslu æfingagjalda.

Forráðamaður ber ábyrgð á að allar upplýsingar séu rétt skráðar, þ.m.t netföng, símanúmer og heimilisföng. Nauðsynlegt er að skrá gild símanúmer bæði hjá forráðamanni og iðkanda.

Miðað er við að æfingagjald sé greitt í upphafi tímabils og eigi síðar en tveimur vikum eftir að iðkandi hefur æfingar. Ef iðkandi mætir á æfingar og forráðamaður gengur ekki frá æfingagjöldum innan tveggja vikna er sendur rafrænn greiðsluseðill fyrir æfingagjöldum samkvæmt verðskrá án afslátta og frístundaávísunar. Enda litið svo á að forráðamaður vilji nýta sér þjónustu yngri flokka hjá knattspyrnudeild Aftureldingar.

Þegar nýr iðkandi hefur æfingar má hann, einu sinni á ári, stunda æfingar í allt að tvær vikur áður en æfingagjöld eru innheimt.

Ef iðkandi hættir æfingum innan tímabils eru æfingagjöld ekki endurgreidd. Hægt er að sækja um undanþágu frá þessu ef um búferlaflutning og/eða alvarleg veikindi eða meiðsli er að ræða og verður þá úrsögn að berast með tölvupósti á netfang fotbolti@afturelding.is Sá hluti sem greiddur er með frístundaávísun fæst ekki endurgreiddur.

Til þess að ráðstafa frístundastyrk verður að skrá sig inn í Sportabler með rafrænum skilríkjum þegar gengið er frá skráningu og greiðslu æfingagjalda. Ekki má flytja frístundastyrk milli systkina né milli ára. Ráðstafaður frístundastyrkur sveitarfélaga er ekki endurgreiddur.

Veittur er 10% systkina afsláttur innan deilda og 10% fjölgreinaafsláttur. Afslættir reiknast sjálfvirkt frá og með skráningu númer tvö.

Mikilvægt að hafa samband við skrifstofu ef um fjárhagserfiðleika er að ræða og finna úrlausn sem leiðir til áframhaldandi þáttöku iðkandans.

Hafi ekki verið gengið frá greiðslu æfingagjalda 15 dögum eftir að tímbil hefst eða ekki staðið við greiðslur samkvæmt skráningu má forráðamaður búast við gjaldið verði innheimt með tilheyrandi kostnaði, sbr. innheimtulög nr. 95/2008 og reglugerð nr. 37/2009.

Minningarsjóður Guðfinnu Júlíusdóttur og Ágústínu Jónsdóttur

Barna- og unglingaráð vill sérstaklega minna á Minningarsjóð Guðfinnu Júlíusdóttur og Ágústínu Jónsdóttur sem m.a. styrkir efnaminni leikmenn til þáttöku í íþróttum með Aftureldingu:

Hlutverk sjóðsins kemur fram í 2. grein úthlutunarreglna hans:

2. grein – Tilgangur og hlutverk
Tilgangur sjóðsins er að styrkja starfsemi yngri flokka, styrkja efnaminni leikmenn til þátttöku og veita leikmönnum yngri flokka Ungmennafélagsins Aftureldingar ferðastyrkt til keppnisferða eða þjálfunarferða sbr. ákvæði í 3.gr. skipulagsskrár. 

Tekið er við umsóknum í sjóðinn allt árið.  Sjá nánar á svæði Aðalstjórnar:
https://afturelding.is/afturelding/minningarsjodur