Aftur er fjörugur miðvikudagur fyrir blakdeild Aftureldingar.
Bæði liðin okkar í Mizunodeild karla og kvenna taka á móti liðum HK miðvikudaginn 5 des. Kvennaleikurinn hefst kl 18:30 og karlaleikurinn í kjölfarið eða kl 20:30.
Leikurinn á miðvikudaginn verður tileinkaður minningarsjóð Einars Darra #égábaraeittlíf og rennur allur inngöngueyrir óskiptur til sjóðsins. Við hvetjum allt blakháhugafólk og Mosfellinga til að styðja við frábært málefni.
MARKMIÐ ÞJÓÐARÁTAKSINS
- Sporna við og draga úr misnotkun fíkniefna, með áherslu á lyf
- Opna umræðuna um misnotkun lyfja hér á landi
- Auka þekkingu almennings á eðli og umfangi misnotkunar lyfja
- Opna umræðu um vöntun á bættum meðferðarúrræðum
Við hvetjum okkar fólk til að mæta í rauðu á pallana og hvetja liðin okkar áfram.
Áfram Afturelding