Afturelding og HK mætast í toppslag í Mizunodeild kvenna n.k. föstudag. Leikurinn hefst kl 19. Fjölmennum til að hvetja stelpurnar okkar áfram. Afturelding hefur ekki tapað leik í vetur en HK tapað einum leik sem var á móti Aftureldingu fyrr í vetur. Reikna má með hörkuleik þessara liða á föstudag.

Tveir leikir fóru fram í kvöld að Varmá. Karlaliðið tók á móti Fylki úr Árbænum og beið lægri hlut 2-3. Strax á eftir tóku stelpurnar á móti Stjörnunni úr Garðabæ og unnu þann leik 3-0

Íslandsmót Blaksambands Íslands lauk að Varmá í dag. Afturelding var með 5 lið á mótinu og 3 af þeim fóru á pall. 3.fl stúlkna A liða náðu 3.sætinu en þær eru allar á yngsta árinu af þremur í flokknum. Í 5.fl náði Afturelding einnig 3.sæti og í 3.fl. pilta gerðu Aftureldingarstrákarnir sér lítið fyrir og unnu alla leiki sína og urðu Íslandsmeistarar en þeir eru einnig flest allir á yngsta ári af þremur. Frábær árangur hjá blakkrökkunum okkar á mótinu. Til hamingju Afturelding,og til hamingju foreldrar og iðkendur fyrir frábært mót og frábæra spilamennsku.

Blakdeild Aftureldingar sér um Íslandsmótið í 3. og 5.flokki um helgina og verður spilað á laugardag frá kl 8:30 – 16:30 og á sunnudag frá kl 08:15-14:00. Spilað verður á 8 völlum samtímis á sunnudaginn og 7 á laugardaginn en frábær þátttaka er á mótinu og verða 47 lið frá 11 félögum hringinn í kring um landið sem mæta að Varmá.

Unglingalandsliðin í blaki, U17 eru komin til Kettering í Englandi þar sem þau verða fram á mánudag. Mótið hefst annað kvöld og verður leikið föstudag, laugardag og sunnudag. Íslensku liðin héldu utan snemma í morgun og voru að koma til Kettering fyrir skömmu síðan. Ferðalagið gekk ágætlega en flogið var með Icelandair til Heathrow flugvallar og þaðan keyrt í tvo …

Afturelding tók á móti KA tvívegis í Mizunodeild kvenna um helgina. Einnig tók Afturelding á móti KA í karlaflokki á föstudag.

Afturelding tók á móti Þrótti R að Varmá í dag.
Afturelding vann sannfærandi sigur – 3-0 eða 25-7, 25-11 og 25-2

Afturelding og Þróttur N mættust öðru sinni í Mizuno-deild kvenna í blaki en sömu lið áttust við í gærkvöldi. Um endurtekið efni var að ræða þar sem Afturelding endurtók leikinn frá því í gær og vann nokkuð þægilegan sigur 3-0. Fyrsta hrinan fór 25-14, önnur hrinan fór 25-8. Í þriðju hrinu var um meiri spennu að ræða en svo fór að lokum að Afturelding vann hrinuna 25-23. Stigahæstar í liði Aftureldingar voru Auður Anna Jónsdóttir og Karen Björg Gunnarsdóttir með 10 stig hvor. Hjá Þrótti var stigahæst María Rún Karlsdóttir með 9 stig.

Öruggur sigur Aftureldingar á Þrótti Neskaupsstað

Afturelding og Þróttur Neskaupsstað áttust við í Mizuno-deild kvenna í blaki og leikið var í N1 höllinni í Mosfellsbæ. Lið Þróttar Neskaupsstað kemur með mikið breytt lið til leiks frá fyrra ári og í liðinu eru margar ungar og efnilegar stelpur.

Landsliðsþjálfarar U17 ára landsliðanna hafa valið lokahópa sína fyrir ferðina til Kettering í Englandi. Miglena Apostolova og Filip Szewczyk hafa valið lokahópa sína fyrir U17 ára landsliðin sem halda til Kettering í lok október. Liðin spila í NEVZA móti U17 ára landsliða sem nú halda í annað sinn til Kettering í Englandi. Mótið í ár fer fram dagana 30. október …