Skráningardagur Fimleikadeildar tókst vel að öðru leyti en því að góða kerfið okkar Nóri ákvað að stríða okkur. Því gátum við því miður ekki skráð alla inn eins og við vildum. Fimleikarnir byrja eftir næstu helgi því við gefum okkur þessa viku í að klára uppröðun í hópa. O-10, M-10, M-15 og P-1 eru þó byrjaðir og kennsla verður sk. stundaskrá. Hér eru síðan leiðbeiningar fyrir foreldra til þess að skrá börnin beint inn í skráningar og greiðslukerfið:

Fimleikadeildin heldur skráningardag þriðjudaginn 28. ágúst næstkomandi kl. 16:30-19:00. Allir þurfa að skrá sig líka þeir sem voru í fyrra.

Vorsýning Fimleikadeildar Aftureldingar verður haldin fimmtudaginn 31. maí kl. 17:30. Ástæðan fyrir því að hún er ekki haldin um helgi er að húsið var upptekið allar helgar sem mögulegar eru. Endilega takið tímann frá.

Fimleikakrakkar úr Aftureldingu kepptu á Vormóti FSÍ um helgina en mótið var haldið á Egilsstöðum. Mikill fjöldi liða var mættur á mótið og fór Afturelding með tvö lið eitt drengja og eitt stúlkulið. Ferðin tókst í alla staði mjög vel þar sem strákar og stelpur ásamt foreldrum og þjálfurum skemmtu sér vel við leik og keppni.

Aðalfundur Fimleikadeildar Aftureldingar verður haldinn fimmtudaginn 15. mars kl. 18:00. Á dagskrá fundarins verða venjuleg aðalfundarstörf og önnur mál.

Ákveðið hefur verið að ráðast í framkvæmdir við 1200 fm viðbyggingu við íþróttamiðstöðina að Varmá í Mosfellsbæ sem hýsa mun starfsemi fimleika- og bardagaíþróttadeilda Aftureldingar sem og að skapa möguleika á aukinni félagsaðstöðu félagsins. Heildarkostnaður við þessa framkvæmd er um 135 m.kr.

Fimleikadeildin hyggst fara í miklar fjáraflanir á árinu til þess að styrkja tækjakost deildarinnar. Nú erum við að hefja sölu á gómsætum páskaeggjum frá Sambó. Eggin eru sannkölluð fjölskylduegg en þau eru 900 grömm og stútfull af nammi.

Íslandsmót unglinga í hópfimleikum verður haldið á Selfossi um helgina. Afturelding verður með 3 lið á mótinu.

Framtíðarkeppnishópurinn O-10 tók þátt í sínu fyrsta byrjendamóti á Selfossi á dögunum. Stelpurnar stóðu sig frábærlega og fengu verðlaun fyrir að standa sig vel í dansi með einkunnina 6,8.