Liðið vann öruggan og áreynslulítinn 3-0 sigur á Kára frá Akranesi og er óhætt að segja að úrslitin hafi aldrei verið í hættu. Birgir Freyr Ragnarsson og Arnór Þrastarson skoruðu í fyrri hálfleik og Wentzel Steinarr Ragnarsson Kamban í þeim síðari.

Lið Kára átti ekki mörg færi í leiknum en þó skall hurð nærri hælum einu sinni eða tvisvar við mark heimamanna. Strákarnir okkar gerðu ekki meira en þurfti og hefðu áhorfendur reyndar alveg þegið bæði fleiri mörk og fleiri hitagráður en býsna kalt var á Varmárvelli.

Liðið heldur nú norður á Ólafsfjörð þar sem lið KF bíður í 2.deildinni.