Fellahringurinn er núna haldinn í sjötta skipti.
Í ár verður hann haldinn 29. ágúst 2024 og ræst er frá Varmá kl. 18:00.

Hjólað er um stíga og slóða umhverfis fellin í Mosfellsbæ.

Boðið er upp á tvo mögulega hringi:
Litla 15km – verð 3.500 kr.
Stóra 30km – verð 5.000 kr. (Lágmarksaldur er 16 ára)

Verðlaun veitt í aldursflokkum og vegleg útdráttarverðlaun, m.a. glæsilegt fjallahjól frá Erninum.

Skráning er opin til kl 20:00 þann 28.ágúst n.k. og fer fram á netskraning.is/fellahringurinn

Flokkar og skráning:
Við skráningu skrá allir sig í annað hvort almenningsflokk eða rafmagnshjól.

Í keppni venjulegra hjóla (einn flokkur í rafmagnshjólum) verða hinsvegar eftirfarandi flokkar:

• Yngri en 16 ára (eingöngu ílLitla Fellahringnum)
• 16-20 ára
• 21 ára og eldri

Keppnisgögn afhent á mótsdegi frá kl 16:30 í Vallarhúsinu að Varmá.
Mótsstjóri er Elías Níelsson (s. 899-4292)

Brautarskoðun er kl: 18:00 fimmtudaginn 22. ágúst og þriðjudaginn 27. ágúst frá Varmá

Leiðirnar (Strava route)*
– Litli hringurinn 15km – https://www.strava.com/routes/9729777
– Stóri hringurinn 30km – https://www.strava.com/routes/2862819023435245748

*Leiðir eru birtar með fyrirvara um að framkvæmdir sem eiga sér stað á hluta leiðarinnar verði lokið.

Rafmagnshjól
Einungis svokölluð „pedal-assist“ rafmagnshjól eru leyfð, sem einungis veita aukaafl ef hjólreiðamaðurinn er þegar að stíga hjólið.
Þau eru skilgreind í umferðarlögum (2019 nr. 77 25. júní) í 3. gr., tölul.30b:
Hjól með stig- eða sveifarbúnaði, búið rafknúinni hjálparvél þar sem samfellt hámarksafl er allt að 0,25 kW og afköstin minnka smám saman og stöðvast alveg þegar hjólið hefur náð hraðanum 25 km á klst. eða fyrr ef hjólreiðamaðurinn hættir að stíga hjólið.
Önnur rafmagnshjól eru ekki leyfð; einkum og sér í lagi eru hjól skilgreind í töluliðum 28 og 30c ekki leyfð.