Afturelding tekur á móti Norðanstúlkum í Pepsideildinni á laugardag og má búast við skemmtilegri viðureign. Þór/KA vann deildina í fyrra og vilja eðlilega verja titilinn en þær hafa þó byrjað frekar rólega og er nú í sjötta sæti deildarinnar með 8 stig. Afturelding er hinsvegar tveimur sætum neðar, í því áttunda með 4 stig þegar liðin hafa leikið sex leiki.

John þjálfari hvíldi nokkra lykilmenn í bikarleiknum í vikunni en talsvert hefur verið um meiðsli í hópnum. Vonir standa þó til að allar verið orðnar heilar fyrir laugardag þannig að hægt verið að stilla upp okkar sterkasta liði.

Veðurspá fyrir laugardaginn er prýðileg og tilvalið að skella kjötbita í marineringu uppúr hádegi, mæta á völlinn kl 16:00 og svo heim að grilla – Áfram Afturelding !