Leikið verður á gerfigrasvelli Garðbæinga og hefst leikurinn kl 19:15. Gengi liðanna hefur verið misjafnt, Stjarnan situr taplaus á toppi deildarinnar með 21 stig eftir sjö leiki og hefur leikið afar vel í sumar. Þær eru af mörgum taldar líklegar til að endurheimta Íslandsmeistaratitilinn sem þær misstu til Þór/KA í fyrra enda með hörkulið.

Afturelding hefur verið að spila ágætlega undanfarið en úrslitin hafa þó ekki fallið með stelpunum sem eru sem stendur í níunda sæti deildarinnar en ætla sér svo sannarlega að breyta því.

Knattspyrnudeild hvetur Mosfellinga til að kíkja í Garðabæinn og styðja stelpurnar okkar !