Sigur Aftureldingar á Selfossi eftir spennandi lokamínútur, 91–88
Virkilega vel var mætt í Varmá í kvöld þegar síðasti heimaleikur liðsins fyrir úrslitakeppni fór fram og stemningin var frábær. Stuðningsmenn létu vel í sér heyra og veittu liðinu mikilvægan meðbyr á köflum þegar á þurfti að halda.
Afturelding lagði Selfoss að velli 91–88 í æsispennandi leik þar sem Mosfellingar höfðu yfirhöndina stóran hluta viðureignarinnar. Liðið spilaði af öryggi framan af og náði góðu forskoti, en gestirnir gáfust aldrei upp og héldu leiknum opnum allt fram á síðustu mínútur.
Þegar leið á leikinn þéttist varnarleikur Aftureldingar til muna og reyndist lykillinn að sigrinum. Liðið sýndi mikla baráttu og yfirvegun á lokakaflanum þegar mest reyndi á, og með skynsamlegum sóknarleik og sterkri liðsheild tókst að sigla sigrinum heim.
Ólafur Snær var stigahæstur heimamanna með 23 stig og Óskar kom næstur með 17 stig, fjölmargar stoðsendingar og fráköst. Þá skoraði Björgvin Már 10 stig, Magni Fannar 10, Alex 9, Sigurbjörn 7, Dilanas 6, Ísak Rökkvi 4, Sigurður Stefán 3 og Kristófer Óli 2 stig. Um var að ræða frábæra liðsframmistöðu þar sem menn voru vinnusamir, duglegir og tilbúnir að leggja hart að sér fyrir hvorn annan og lögðu allir sitt af mörkum í kvöld hvort sem það var með hvatningu á bekknum eða baráttu á vellinu. Vel gert kappar !
Nú eru tveir leikir eftir af deildarkeppninni og Afturelding er í hörkubaráttu við Leikni og Laugdæli um sæti í topp 2. Það sæti tryggir þátttökurétt í úrslitakeppni 2. deildar og ljóst að spennan heldur áfram allt til loka.
Yngstu drengirnir tóku þátt í Two Guys mótinu á Álftanes í dag Valentínusardag
Í dag tóku 3.–4. bekkjar strákarnir okkar, 8–9 ára gamlir, þátt í hinu skemmtilega Two Guys móti sem fram fór á Álftanesi. Afturelding var með yfir 20 stráka á mótinu; eitt lið í 3. bekk og þrjú lið í 4. bekk.
Hvert lið lék fjóra leiki og því má segja að það hafi verið nóg um að vera hjá yngstu flokkunum, alls um 16 leikir spilaðir hjá okkar strákum yfir daginn. Það var virkilega gaman að fylgjast með dugnaði og eldmóði leikmanna sem lögðu sig alla fram í hverjum leik.
Frábær tilþrif sáust á köflum, fallegar sendingar, góð skot og hörð barátta um hvern bolta. Gleðin skein úr hverju andliti og það er alltaf sérstakt að sjá hversu gaman er að fá að spila gegn öðrum strákum á sama aldri. Slík mót eru dýrmæt fyrir framfarir og lærdóm í körfuboltanum, þar sem leikmenn fá tækifæri til að reyna sig, læra nýja hluti og byggja upp sjálfstraust.
Það er ljóst að framtíðin er björt hjá þessum efnilegu drengjum.
- flokkur mætir KR-ingum í Myntkauphöllinni í fyrramálið
Körfuboltahelgin heldur áfram í fyrramálið þegar 9. flokkur Aftureldingar tekur á móti KR í skemmtilegum viðureignum í Myntkauphöllinni að Varmá.
Fyrsti leikur dagsins hefst klukkan 11:00 þegar Afturelding B mætir KR C. Að honum loknum, klukkan 13:00, etja A-lið félaganna kappi í leik sem lofar góðu.
Allir leikir fara fram í Myntkauphöllinni okkar að Varmá og eru Mosfellingar hvattir til að mæta og styðja við bakið á ungu og efnilegu leikmönnunum okkar. Það er alltaf gaman að fylgjast með framtíðarstjörnum félagsins taka sín fyrstu skref, bæta sig í körfunni og njóta þess að spila leikinn sem þau elska.
Sjáumst í Varmá! 🏀