Fimleikadeildin stendur en eina ferðina fyrir geggjuðu sumarnámskeiði í sumar.

Árndís Birgitta íþróttafræðingur og fimleikaþjálfari með Rebecku Ledin kennara og fimleikaþjálfara koma saman með öflugum þjálfurum í sumar til að setja upp og stýra sumarnámskeiði fimleikadeildarinnar.

Námskeiðið hefur verið í gangi hjá deildinni sl. 4 ár og verður alltaf betra með hverju sumarinu.

Það er hægt að velja heila daga sem kemur á móts við vinnandi foreldra í Mosfellsbæ og tryggir að krakkarnir fái heilan dag af stuði.

Það er líka hægt að velja hálfa daga (fyrir eða eftir hádegi) sem hefur passað vel við önnur sumarnámskeið og þá er hægt að blanda saman fleiri námskeiðum.

Hádegismatur er í boði fyrir alla sem skrá sig sérstaklega í það. Maturinn kemur frá Skólamat (skólamatur.is) og verður Vallarhúsinu breytt í mötuneyti, matnum fylgja einnig ávextir og grænmeti.

Við mælum með því að skrá sem fyrst og ef það kemur svo í ljós að vikan verði ekki nýtt eða ekki nýtt að fullu að þá er ekkert mál að endurgreiða eða aðlaga greiðslur.

Hafið bara samband við deildina í gegnum fimleikar@afturelding.is.