Leikið var á Framvellinum í Safamýri og fóru leikar þannig að Afturelding vann leikinn 2-1 með mörkum frá Arnóri Fannar Theódórssyni og Einari Marteinssyni. Arnór Fannar kom okkar mönnum yfir eftir um stundarfjórðung en Mídasarmenn náðu að jafna nánast í næstu sókn. Í upphafi síðari hálfleiks skoraði svo Einar það sem reyndist sigurmarkið og má segja að mótstaða fjórðu deildar liðins hafi e.t.v. reynst meiri en reiknað var með fyrirfram.

Afturelding mætir Ægi frá Þorlákshöfn á útivelli í næstu umferð Borgunarbikarsins og komist liðið í gegnum þann tálma æsast leikar því í þriðju umferð bikarsins eða 32-liða úrslitum bætast Pepsideildar liðin við og þá möguleiki á ýmsum flottum mótherjum.