Knattspyrnudeild Aftureldingar og Atli Eðvaldsson hafa komist að samkomulagi um starfslok hans sem þjálfara meistaraflokks karla.

Samið hefur verið við Úlf Arnar Jökulsson aðstoðarþjálfara að taka að sér stjórn liðsins út leiktímabilið og mun Bjarki Már Sverrisson yfirþjálfari yngri flokka verða honum til aðstoðar þann tíma.

Stjórn Aftureldingar vill nota tækifærið og þakka Atla kærlega fyrir vel unnin störf á tímabilinu og óska honum velfarnaðar á nýjum vettvangi.

Fyrir hönd stjórnar meistaraflokksráðs karla,

Óli V. Steindórsson